Өзбекстан Президенті Ресей делегациясын қабылдады
Өзбекстан Республикасының Президенті Шавкат Мирзиёев 15 сәуір күні Ресей Федерациясы Президенті Әкімшілігі басшысының бірінші орынбасары Сергей Кириенко бастаған делегацияны қабылдады.
Кездесу басында жоғары мәртебелі қонақ Мемлекет басшысына Ресей Федерациясының Президенті Владимир Путиннің сәлемі мен ізгі тілектерін жеткізді.
Тараптар Өзбекстан мен Ресей арасындағы стратегиялық серіктестік және одақтастық қатынастарды тереңдету аясында жоғары деңгейде қол жеткізілген келісімдерді жүзеге асыру мәселелерін талқылады.
Барлық бағыттар бойынша белсенді диалог жалғасып жатқаны атап өтілді. Тауар айналымы тұрақты өсіп келеді, өнеркәсіптік кооперация аясындағы маңызды жобалар іске асырылып, мәдени-гуманитарлық алмасу кеңейіп жатыр.
Сондай-ақ елімізде алғашқы интеграцияланған атом электр станциясын салу жобасын жүзеге асыруға және бейбіт атом саласындағы ынтымақтастыққа ерекше назар аударылды.
Бұдан бөлек, цифрлық технологиялар, жастар және ақпарат саясаты, бұқаралық ақпарат құралдары мен азаматтық бастамаларды дамыту бағытындағы өзара ықпалдастықты жандандыру жөнінде келісімдерге қол жеткізілді.
