Өзбекстан мен Қазақстанды байланыстыратын Ташкент облысындағы «Ғишткуприк» (Жібек жолы) өткізу кеден бекеті кеңейтілмек.

Облыс әкімдігінің хабарлауынша, Ташкент ауданы, «Ғишткуприк» агрофирмасының массивінің 197қ, 198қ, 200қ контурында орналасқан мемлекеттік резервтегі пайдаланылмай жатқан 1,81 гектар ауыл шаруашылығы жері «Ғишткуприк» шекара бекетін кеңейту және жобалық құжаттар негізінде қосымша ғимараттар мен құрылыстарды салу үшін бөлінген.

Бұл туралы тиісті шешімге Ташкент облысының әкімі Зоир Мирзаев қол қойған. 

Сондай-ақ, қаулыда аталған аумақта орналасқан инженерлік желілерді жылжыту немесе ерекше қорғалатын аумақты сақтау жұмыстарын жүргізу туралы шешім қабылданған.