Өзбекстан Республикасы Инвестициялар, индустрия және сауда министрі Лазиз Қудратов пен Қазақстан Республикасы Сауда және интеграция министрі Арман Шаққалиев онлайн форматта келіссөздер жүргізді.
Инвестициялар, индустрия және сауда министрінің хабарлауынша, министрліктер мен ведомство басшыларының қатысуымен өткен келіссөздер аясында жоғары деңгейдегі сапар нәтижелері бойынша уағдаластықтарды іске асыру барысы жан-жақты талқыланды, соның ішінде инвестиция және сауда келісімдері мен екіжақты күн тәртібіндегі басқа да өзекті мәселелер қарастырылды.
«Химия, электротехника, машина жасау, ауыл шаруашылығы салаларында бірлескен жобаларды жүзеге асырудың практикалық шаралары, сондай-ақ бар мәселелерді бірлесіп шешу тетіктері әзірленді», делінген хабарламада.
Келіссөздер соңында бірлескен бастамаларды жедел жүзеге асыру барысында туындайтын мәселелерге жедел ден қою мақсатында министрліктер мен ведомстволардың жауапты басшыларына тиісті тапсырмалар беріліп, іске асыру мерзімдері белгіленіп, осындай жұмыс кездесулерін өткізу тәжірибесі келісілген.