Өзбекстан мен Қазақстан арасындағы тауар айналымының көлемі 4 миллиард доллардан асты.

Статистика агенттігінің хабарлауынша, өткен жылдың қорытындысы бойынша Қазақстан Өзбекстанның негізгі үш сыртқы сауда әріптестерінің бірі болды.

Бүгінде Өзбекстан әлемнің 198 елімен сауда-саттық қарым-қатынас орнатқан. Өткен жылдың қаңтар-желтоқсан айларында Өзбекстанның сыртқы сауда айналымы 62,6 миллиард долларды құрап, 2022 жылдың сәйкес кезеңімен салыстырғанда 23,9 пайызға артқан. Жалпы көлемнің ішінде экспорт 24 426,2 миллион долларды, импорт 38 141 миллион долларды құрады.

Қытай сауда серіктес елдер қатарында көш бастап тқр. Өзбекстанмен Қытай арасындағы тауар айналымы 13,7 млрд долларды (жалпы көлемнің 21,9%) құрады. Бұл көрсеткіш бойынша Ресей екінші орында – 9,88 млрд доллар (15,8%). Үздік үштікті Қазақстан 4,39 миллиард доллармен (7%) қорытындылаған.

Өзара сауда аясында Өзбекстан Қазақстанға 1372,5 миллион доллардың өнімін экспорттады. Ал импорт 3026,4 млн долларды құрады.