Өзбекстанның Қазақстандағы Төтенше және Өкілетті елшісі Бахтиёр Ибрагимов Қазақстан Республикасының Еңбек және халықты әлеуметтік қорғау министрі Светлана Жақуповамен еңбек миграциясы саласындағы екіжақты ынтымақтастықты нығайту мәселелерін талқылады.

Dunyo агенттігінің хабарлауынша, кездесу барысында екі ел арасындағы еңбек миграциясы мәселелерін дамыту және сол саладағы ынтымақтастықты тереңдету бағытында пікір алмасылды. 

Министр Светлана Жақупова соңғы уақытта еңбек миграциясына қатысты заңнамалық өзгерістер туралы айтты. Ол еңбек мигранттары үшін рұқсат алу процесінің жеңілдетілгенін, жұмыс берушілерге шетелден білікті жұмысшыларды іздеуге арналған жаңа мүмкіндіктер ұсынылғанын, сондай-ақ тараптар арасындағы еңбек шарттарын жасаудағы процестердің оңайлатылғанын атап өтті.

Светлана Жақупова осы саладағы ынтымақтастықты әрі қарай дамытуға дайын екенін білдіріп, Өзбекстан тарапынан көтерілген барлық бастамаларды қолдайтынын мәлімдеді. Сонымен қатар, кездесуде Өзбекстан Президенті жанындағы Әлеуметтік қорғау ұлттық агенттігінің басшылығымен қаңтар айында видеоконференция түрінде келіссөздер ұйымдастыру туралы келісімге келінді.

Тараптар еңбек миграциясы мәселесі бойынша екіжақты келісім-шартты пысықтап, Өзбекстан мен Қазақстан арасындағы алғашқы жұмысшы топтың кездесуін ұйымдастыруды, сондай-ақ ақпан айында Өзбекстанның тиісті министрліктері мен мекемелерінің делегациясын Қазақстанға сапарын ұйымдастыру мәселесін қарастырды.

Кездесу соңында жеке тасымалдау саласында жұмыс істейтін Өзбекстан азаматтары үшін құқықтық жағдайлар мен әлеуметтік кепілдіктер жасауға бағытталған келісімге қол жеткізілді.

Бұл шаралар еңбек миграциясын реттеу процесін одан әрі оңтайландырып, екі ел арасындағы экономикалық байланыстарды нығайтуға септігін тигізеді.