Өзбекстан мен Үндістан компаниялары жаңа индустриялық жоба бойынша келісімге қол қойды
Өзбекстанда өнеркәсіпті жаңғырту, жоғары қосылған құнға ие өнімдер өндіру және жаңа инвестициялық жобаларды жүзеге асыруға ерекше көңіл бөлініп отыр. Бұл бағытта халықаралық ынтымақтастық маңызды рөл атқарып келеді.
Осындай перспективалы бастамалардың бірі ретінде Шыршық химия-индустриялық технопаркі Үндістанның PURFLUX GROUP компаниясымен ынтымақтастық туралы келісімге қол қойды.
«Узкимёсаноат» мәліметінше, бұл келісім өнеркәсіп саласында жаңа өндірістік қуаттарды құруға, заманауи технологияларды енгізуге және өндірістік әлеуетті арттыруға бағытталған.
Айта кету керек, PURFLUX GROUP – халықаралық деңгейде танылған ірі кәсіпорындардың бірі болып, «Sogefi Group» құрамына кіреді. Компания жоғары тиімді сүзгілеу жүйелерін және автомобильдерге арналған түрлі бөлшектерді өндіруге маманданған.
Келісімшарт аясында жаңа жобаны Жызақ химия-индустриялық технопаркі аумағында орналастыру жоспарланған. Жобаның жүзеге асырылуы халықаралық сапа стандарттарын енгізуге, жергілікті өнеркәсіптік кооперацияны күшейтуге және өндіріс тиімділігін арттыруға мүмкіндік береді.
Кәсіпорын дерегінше, бұл бастама аясында жаңа жұмыс орындары ашылып, халықты жұмыспен қамту деңгейі артады, сондай-ақ мамандардың заманауи кәсіби дағдыларын дамытуға мүмкіндік кеңейеді. Бұл өз кезегінде өңір өнеркәсібінің дамуына серпін беретін маңызды фактор болмақ.
