Жаңа рейтинг бойынша, Өзбекстан азаматтары 32 елге визасыз, ал 46 елге барғаннан кейін виза ала алады.

Passport Index мәліметі бойынша, Өзбекстан әлемдегі ең қуатты төлқұжат рейтингінде екі саты жоғарылап, 68-орынға жайғасты. 

Жаңа рейтингке сәйкес, өзбекстандықтар 32 мемлекетке визасыз, ал 46 мемлекетке жеткеннен кейін виза рәсімдей алады.

Визасыз кіруге болатын елдер тізімі: Антигуа және Барбуда, Армения, Барбадос, Беларусь, БАӘ, Доминикана, Иран, Палестина, Филиппин, Гаити, Гамбия, Грузия, Кения, Кот-д’Ивуар, Малайзия, Микронезия, Моңғолия, Молдова, Намибия, Әзірбайжан, Қырғызстан, Қазақстан, Ресей, Сент-Винсент және Гренадин аралдары, Сейшел аралдары, Шри-Ланка, Суринам, Тайланд, Тәжікстан, Түркия, Украина, Оман.

Канадалық Arton Capital консалтинг компаниясы құрастырған бұл рейтинг 95 елді қамтыған. 2024 жылы Өзбекстан бұл тізімде 70-орында болған. Индексте азаматтардың қанша елге визасыз кіре алатыны немесе барғаннан кейін виза рәсімдей алатыны бағаланады.

Орталық Азиядағы жағдай:

• Қазақстан: 52-орын (46 елге визасыз).
• Қырғызстан: 68-орын (30 елге визасыз).
• Тәжікстан: 72-орын (27 елге визасыз).
• Түркіменстан: 76-орын (18 елге визасыз).

Біріккен Араб Әмірліктері азаматтары әлемдегі ең қуатты төлқұжат иелері саналады. Олар 133 елге визасыз, ал 47 елге барғаннан кейін виза ала алады. Испания екінші орында.

Рейтингтің соңғы орындарында Сирия, Ауғанстан, Ирак және Сомали елдері тұр.

Өзбекстанның төлқұжат көрсеткіштерінің жақсаруы елдің халықаралық аренадағы беделінің артуымен және шет мемлекеттермен ынтымақтастықты кеңейтуімен байланысты. Бұл өзгеріс ел азаматтарына шетелге саяхаттауды жеңілдетіп қана қоймай, елдің туризм, сауда және мәдени алмасу салаларында жаңа мүмкіндіктерге жол ашып отыр. Сонымен қатар, Өзбекстанның шетелдік серіктестермен визалық келісімдерді кеңейтуге бағытталған қадамдары оң нәтижесін беруде.