Өзбекстан 2024 жылдың қаңтар-қараша айларында құны 174,7 миллион АҚШ долларына тең 205,5 мың тонна жүзім экспорттады.

Статистика агенттігінің мәліметтері бойынша, 11 айда ең көп жүзім Ресейге (164,2 мың тонна), Қазақстанға (19,4 мың тонна) және Қырғызстанға (14,5 мың тонна) экспортталған.

Сонымен қатар, жүзім экспортталған басқа елдер:

• Беларусь – 6,6 мың тонна;
• Украина – 334 тонна;
• Моңғолия – 128 тонна;
• Басқа мемлекеттер – 393 тонна.

Айта кетейік, 2023 жылдың сәйкес кезеңінде Өзбекстан шетелдерге жалпы 121 мың тонна жүзім экспорттаған.