Залужний: НАТО янгиланиши керак
Украинанинг Буюк Британиядаги элчиси, Қуролли кучлар собиқ Бош қўмондони Валерий Залужний НАТО тарафдори экани, бироқ альянс замонавий талабга мос равишда янгиланиши лозимлигини билдирди.
Унга кўра, Украина Қуролли кучларини НАТО стандартига ўтказиш ислоҳотини амалга оширишда ўзи фаол иштирок этган. Шунингдек, илмий-техника тараққиёти ва уруш тажрибаси мамлакат армиясини технологик жиҳатдан янги босқичга олиб чиққан.
Собиқ бош қўмондон НАТО ҳозирча Иккинчи жаҳон уруши даврида шаклланган ёндашув асосида фаолият юритаётгани, Альянс янги ҳарбий доктрина ва стандартга ўтгандан кейингина Украина тузилмага аъзо бўлиши учун шароит тўлиқ шаклланишини таъкидлаган.
Д.Ҳакимов, ЎзА
