Волейбол бўйича мамлакат чемпионатининг V тури май ойида ўтказилади
ФОТОРЕПОРТАЖ
Пойтахтимиздаги “Олимпия шаҳарчаси”да эркаклар ўртасида волейбол бўйича мамлакат чемпионатининг IV тур баҳслари якунланди. 17–26 апрель кунлари олий лига жамоалари иштирокида ўтказилган ушбу босқичда 16 та жамоа ғолиблик учун кураш олиб борди.
Мусобақанинг мазкур босқичида жамоалар чемпионат жадвалидаги ўз ўрнини мустаҳкамлаш ҳамда юқори поғоналар учун муҳим очколарни қўлга киритиш мақсадида майдонга тушди. Беллашувлар қизғин ва муросасиз руҳда ўтди.
[gallery-29015]
Жорий йилнинг 20–31 май кунлари мамлакат чемпионатининг ҳал қилувчи V тур баҳслари ҳам “Олимпия шаҳарчаси”да бўлиб ўтиши режалаштирилган. Унда 8 та жамоа ғолиблик учун кураш олиб боради.
Ҳозирча мусобақа натижаларига кўра, “Uzbektelekom”, “Road Patrul” ва “HUMO” жамоалари пешқадамлик қилмоқда.
Муҳаммад АМИН (сурат), ЎзА
