Uzbekistan Airways әуе компаниясы ел аумағындағы жоғары оқу орындарының студенттері үшін барлық ішкі рейстердің эконом-класс әуе билеттеріне 50 пайызға дейін жеңілдік ұсынды.

Бұл жеңілдік 2024 жылдың 23 желтоқсанынан бастап 2025 жылдың 7 қаңтарына дейін орындалатын рейстерге қолданылады.

Айта кету керек, жолаушыларды тасымалдау тарифтеріне қосымша түрлі салықтар, алымдар және төлемдер қолданылады, бірақ оларға 50 пайызға дейінгі жеңілдік қолданылмайды.

Әуе билетін сатып алу кезінде студенттер MyGov.uz порталы арқылы алынған немесе оқу орнынан берілген оқу туралы анықтаманы ұсынуы қажет.