УЕФА Англия құрамасын Еуро-2020 финалындағы тәртіпсіздік үшін жазалады
УЕФА Лондондағы Уэмбли стадионында өткен Еуро-2020 турнирі финалындағы тәртіпсіздіктер үшін Англия құрамасын жазалады.
Ұйымның шешімі бойынша Англия құрамасының екі кездесуі (бір шартты екі жылдық сынақ мерзім мен) көрерменсіз өтеді.
Еуро-2020 турнирі финалында билетсіз жүздеген ағылшын жанкүйерлері стадионға кіріп, билет сатып алған жанкүйерлердің орындарын иеленіп полиция және басқарушылармен қақтығысқа себеп болды. Нәтижесінде бірнеше тәртіп сақшылары мен жанкүйерлер түрлі дәрежеде жарақат алып, ауруханаға жеткізілді.
Осыған орай Англия футбол қауымдастығына қарсы санкциялар стадион ішінде және сыртында тәртіпті сақтамағаны үшін енгізілді. Сондай-ақ, финал кезінде стадионға бөтен адамдар кіргені, көрермендерге заттар лақтырғаны және мемлекеттік әнұран кезінде тәртіп бұзғаны үшін АФҚ-ға 100 000 еуро айыппұл салынған.