U-17 Osiyo kubogi: Oʻzbekistonning yarim finaldagi raqibi ma'lum

Sergey Chigodayev boshqaruvidagi hamyurtlarimiz nufuzli musobaqaning final yoʻllanmasi uchun Yaponiyaga qarshi bahs olib boradi.

Futbol boʻyicha Oʻzbekiston oʻsmirlar terma jamoasining U-17 Osiyo kubogi yarim finalidagi raqibi aniq boʻldi.

Sergey Chigodayev boshqaruvidagi hamyurtlarimiz nufuzli musobaqaning final yoʻllanmasi uchun Yaponiyaga qarshi bahs olib boradi. “Kun chiqar yurt” vakillari chorak finalda Tojikistonni yirik 5:0 hisobida mag'lub etishdi.

Yarim final uchrashuvi joriy yilning 19-may kuni Jidda shahridagi muhtasham "King Abdullah Sports City" stadionida boʻlib oʻtadi.

Oʻyin Toshkent vaqti bilan soat 20:00 da start olishi rejalashtirilgan.

U-17 Osiyo kubogi. Yarim final 

Yaponiya — Oʻzbekiston 

19-may | 20:00, “King Abdullah Sports City” (Jidda)