Түркі мемлекеттері ұйымына мүше елдер сауда саласындағы ынтымақтастық жөніндегі бірлескен коммюнике мен өзара түсіністік туралы меморандумға қол қойылды.
Осыған қатысты Түркі мемлекеттері ұйымы (ТМҰ) Экономика және сауда министрлерінің 14-отырысы Түркістан қаласында өтті.
Жиында көпжақты сауда мен инвестицияны дамыту, цифрлық трансформация, көлік және логистика, сондай-ақ Орта дәліздің тиімділігін арттыру мәселелері талқыланды.
Тараптар ұйым аясында экономикалық ынтымақтастық ауқымын кеңейту және өзара сауданы дамыту бағытында шаралар қабылданып жатқанын бірауыздан растады. Атап айтқанда, Өзбекстан, Әзербайжан, Қырғызстан және Қазақстан бірлесіп құрған инвестициялық қор арқылы түрлі жобалар қаржыландырылып жатқаны айтылды.
Жиын соңында сауда саласындағы ынтымақтастық жөніндегі бірлескен коммюнике мен өзара түсіністік туралы меморандумға қол қойылды. Келесі отырысқа жылдың екінші жартысында Әзербайжан тарапының төрағалық ететіні хабарланды.