Трамп: Эрон билан келишувдан сўнг эътибор Украинага қаратилади
Франция президенти Эммануэль Макрон раислигида ўтаётган G7 саммитида Украинадаги уруш, Яқин Шарқдаги вазият, Хитой билан рақобат, сунъий интеллект ва интернет хавфсизлиги масалаларини муҳокама қилинмоқда, деб хабар берди Euronews.
Франциянинг Эвиан шаҳрида бошланган уч кунлик саммитда асосий эътибор Россиянинг Украинага қарши уруши, Хитойнинг иқтисодий сиёсати, интернет хавфсизлиги ҳамда сунъий интеллектнинг жадал ривожланишига қаратилган. Саммит АҚШ ва Эрон ўртасида дастлабки келишувга эришилган бир пайтда ўтмоқда. Бу келишув томонларга 60 кун давомида музокараларни давом эттириш имконини беради. АҚШ президенти Дональд Трамп келишувни ижобий баҳолаб, Эрон билан муносабатлар яхшиланганини таъкидлади. Унинг айтишича, Эронда янги раҳбарият шаклланган. Трамп Ҳурмуз бўғози ҳақида ҳам тўхталиб, жума кунига қадар денгиз йўли тўлиқ очилишини билдирди. Унинг сўзларига кўра, бу вақтгача миналарнинг катта қисми зарарсизлантирилади ва кемалар ҳаракати тикланади. АҚШ президенти ўз чиқишида маъмурияти энди дипломатик саъй-ҳаракатларни яна Украина масаласига қаратишини маълум қилди. Унинг таъкидлашича, Яқин Шарқдаги можаро туфайли Украина бўйича тинчлик музокаралари секинлашган эди. Украина президенти Володимир Зеленский эса Россия президенти Владимир Путинга G7 саммити доирасида учрашиб, урушни тугатиш бўйича музокара ўтказишни таклиф қилганини айтди. Бироқ, Россия бу таклифни рад этган.
<iframe width="518" height="927" src="https://www.youtube.com/embed/uQsJmsHNKek" title="Tramp: Eron bilan kelishuvdan so‘ng e’tibor Ukrainaga qaratiladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Улуғбек Тўхтаев, ЎзА
