Тошкентда чорвачилик соҳасини ривожлантириш масалаларига бағишланган очиқ мулоқот бўлиб ўтди (+видео)
Ўзбекистон Савдо-саноат палатаси биносида чорвачилик соҳасида фаолият юритаётган ҳамда ушбу йўналишда ўз бизнесини йўлга қўйиш истагида бўлган тадбиркорлар иштирокида очиқ мулоқот ўтказилди.
Мазкур тадбир Ўзбекистон Республикаси Президентининг «Чорвачилик тармоғи ва яйлов хўжалигини замонавий бошқарув тизими ва янгича ёндашувлар асосида ривожлантириш чора-тадбирлари тўғрисида»ги ПҚ–179-сонли Қарори ижросини таъминлаш, шунингдек, тармоқда замонавий бошқарув тизимларини жорий этиш мақсадида ташкил этилди.
Мулоқот давомида чорвачилик ва яйлов хўжалигини ривожлантириш учун давлат томонидан яратилган сўнгги имтиёзлар, молиявий қўллаб-қувватлаш механизмлари ҳамда қулай бизнес муҳитини шакллантириш истиқболлари атрофлича муҳокама қилинди. Тадбирда иштирок этган тадбиркорлар соҳадаги мавжуд муаммолар ва уларнинг ечимлари юзасидан фикр алмашиб, ўзларини қизиқтирган барча саволларга соҳа мутахассисларидан тўғридан-тўғри ва батафсил жавоблар олишди. Учрашув якунида билдирилган таклифлар асосида соҳани янада ривожлантиришга қаратилган келгусидаги вазифалар белгилаб олинди.
<iframe width="873" height="491" src="https://www.youtube.com/embed/bhGstXcT0Fs" title="Toshkentda chorvachilik sohasini rivojlantirishga bag‘ishlangan ochiq muloqot bo‘lib o‘tdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Дониёр Якубов, Салимжон Обиджонов (видео), ЎзА
