Токиода рейслар бекор қилинди
“Дуцзюань” тайфуни Токио томон яқинлашиб келаётгани сабабли, Япониянинг Ханеда ва Нарита аэропортларида камида 461 рейс бекор қилинди.
Ханедада 280 дан ортиқ ички ва 60 га яқин халқаро қатнов тўхтаган, Наритада эса асосан халқаро йўналишдаги 100 дан ортиқ рейс қолдирилди.
Синоптиклар маълумотига кўра, тўфон бугун кундузи дастлаб Изу ярим ороли, сўнгра пойтахтга етиб келиши кутиляпти. Мутахассислар шиддатли ёмғир, сув тошқини ва кўчки хавфидан огоҳлантирмоқда. Минтақанинг айрим ҳудудларида охирги икки кун ичида 410 миллиметрдан ортиқ ёғингарчилик қайд этилди.
Ф.Яхшибоева, ЎзА
