Tesla акциялари арзонлашмоқда
Блумберг агентлигининг маълум қилишича, ўтган куни Tesla акциялари нархининг қулаши унинг асосчиси Илан Маск чўнтагини анчайин енгиллатиб қўйган. Хабарда айтилишича, SpaceX ва Tesla компанияси асосчиси ўтган куни биржа савдосидан кейин 15 миллиард доллар йўқотган.
Агентлик берган маълумотга кўра, савдодан кейин Илон Маск бойлиги 15,2 миллиард долларга пасайиб, жами 183 миллиард долларни ташкил этган.
Amazon асосчиси Жефф Безоснинг бойлиги эса 3,73 миллиард долларга пасайиб, жами 186 миллиард долларга баҳоланди. Энди Безос жаҳоннинг энг бой одамлари рейтингида яна биринчи ўринга чиқди, Маск эса иккинчи ўринга тушди.
Душанба куни Tesla акциялари нархи 8,55 фоизгача арзонлашиб кетди, яъни ушбу қулаш Илон Маск учун 2020 йил сентябрдан буён энг оғриқлиси бўлди, дейиш мумкин. Amazon акциялари эса атиги 2,13 фоизга арзонлашгани айтилмоқда.
