Теннисчиларимиз халқаро турнирда бош совринни кўзламоқда
Шу кунларда Қозоғистон ва Тожикистон пойтахтларида Халқаро теннис федерацияси томонидан ўсмирлар ўртасида ўтказилаётган нуфузли мусобақаларда ёш теннисчиларимиз муваффақиятли иштирок этмоқда.
Жумладан, Остона шаҳрида ўсмирлар ўртасида ўтказилаётган J300 таснифига кирувчи «Astana Open» турнирининг жуфтлик баҳсларида ҳамюртларимиз Акмал Абдуллаев ва Данила Квасов чорак финал босқичидан муваффақиятли ўтиб, финал йўлланмаси учун туркиялик Каан Ишик Косанер ҳамда германиялик Патрик-Валентин Мойзе жуфтлигига қарши кортга чиқадиган бўлди.
Душанбе шаҳрида ўтаётган J60 туркумидаги «President Cup — 2026» турнирининг жуфтлик баҳсларида ҳамюртимиз Сарвар Атабаев ва россиялик Егор Елховский ярим финалда яна бир вакилимиз Ҳамиджон Мансуров ҳамда қозоғистонлик Атай Асеинов жуфтлигини синовдан ўтказади.
Жавоҳир Тошхўжаев, ЎзА
