Спорт гимнастикачиларимиз Осиё чемпионати финалида
Хитойнинг Цзуньи шаҳрида спорт гимнастикаси бўйича ўтаётган Осиё чемпионатида ўзбекистонлик спортчилар муносиб иштирок этмоқда.
Қитъанинг энг номдор гимнастикачилари иштирок этаётган мазкур қитъа чемпионатининг ортда қолган кўпкурашнинг алоҳида дастурлари бўйича Ўзбекистон терма жамоаси аъзолари финал босқичига йўл олди.
13-қитъа чемпионатининг дастакли от дастурида терма жамоамиз аъзолари Ўткирбек Жўраев ва Ҳабибулло Эргашев ҳамда таяниб сакраш дастурида қатнашган Абдулазиз Мирвалиев саралаш баҳсларида муваффақиятли қатнашиб, финал йўлланмасини қўлга киритди.
Чемпионатнинг финал мусобақалари 20-21 июнь кунлари бўлиб ўтади.
Т. Рўзиев, ЎзА
