Сўфий Аллоҳёрнинг “Мурод ул-орифин” асари қўлёзмасининг матний тавсифи
Далершоҳ Садулло ўғли НЕМАТОВ Магистрант Алишер Навоий номидаги ўзбек тили ва адабиёти университети Тошкент, Ўзбекистон ndalershoh@gmail.com
Аннотация
Ушбу мақолада Сўфий Аллоҳёрнинг “Мурод ул-орифин” асарининг Ўзбекистон Республикаси Фанлар академияси Абу Райҳон Беруний номидаги Шарқшунослик институти фондида №12497 инвентар рақами остида сақланаётган қўлёзма нусхаси кодикологик ва матншунослик нуқтаи назаридан таҳлил қилинган. Қўлёзманинг ёзув услуби, варақлар тартиби, ҳошия ёзувлари ҳамда пойгир тизими ўрганилган. Шунингдек, мазкур қўлёзма таркибида мавжуд бўлган форс тилидаги номаълум матнлар ҳамда “Мурод ул-орифин” асарининг шеърий қисми таҳлил қилинган. Ушбу нусха бошқа қўлёзмалар билан қиёсий ўрганилиб, айрим байтлар тушиб қолгани ва матннинг тўлиқ сақланмагани аниқланган.
Таянч сўзлар: “Мурод ул-орифин”, қўлёзма, матншунослик, манбашунослик, кодикология, форсий матнлар, қиёсий таҳлил.
