Шетелде қиын жағдайда қалған 14 өзбекстандық бала елге қайтарылды.

Бұл туралы Әлеуметтік қорғау ұлттық агенттігі хабарлады.

Хабарда айтылуынша, балалар Ресейдің Санкт-Петербург қаласынан Ішкі істер және Денсаулық сақтау министрліктерінің жауапты қызметкерлерінің іссапары аясында Ташкентке жеткізілген.

Әлеуметтік қорғау ұлттық агенттігі дерегінше, бұл балалар өздерінің ата-аналарына және жақын туыстарына тапсырылады. Оларға «Инсон» әлеуметтік қызметтер орталығы тарапынан психологиялық және заңгерлік көмек көрсетіледі.

Шетелде қараусыз қалған балалар тұрақты түрде Өзбекстанға қайтарылуда. Бұған дейін 15 тамыз күні 8 бала Өзбекстанға қайтарылып, олардың 6-уы ата-аналарының қарауына тапсырылған еді.