Сергей Фомин “Challenger” турнирини ғалаба билан бошлади
Мамлакатимизнинг биринчи рақамли теннисчиси Сергей Фомин Қозоғистоннинг Чимкент шаҳрида ўтказилаётган “ATP Challenger 50” тоифасидаги нуфузли мусобақада муваффақиятли иштирок этмоқда.
Ҳамюртимиз мусобақанинг яккалик баҳслари илк даврасида украиналик Владислав Орловга қарши кортга чиқди ва 6:3, 3:6, 6:3 ҳисобида зафар қучди. Шу тариқа Сергей кейинги босқичда Австрия вакили Сандро Копп билан куч синашадиган бўлди.
Қизиғи шундаки, Сергей Фомин турнирнинг жуфтлик беллашувларида яккаликлар ўртасидаги биринчи рақиби Владислав Орлов билан тандем ҳосил қилди ва улар илк даврада ёш теннисчимиз Никита Белозерцев ва украиналик Алексей Крутих дуэтига қарши ўйин ўтказадиган бўлди.
Жавоҳир Тошхўжаев, ЎзА
