Россияда Мусулмонлар идорасининг икки муфтийси қўлга олинди (+видео)

Конго Демократик Республикасида Эбола билан касалланганлар даволанаётган шифохонанинг бир қисми ёқиб юборилди. Россияда мусулмонлар диний идорасининг икки вакили қўлга олинди. Лукашенко эса Зеленский билан Украина ёки Беларусь ҳудудида учрашишга тайёрлигини билдирди. Асосий хабарлардан аввал видеога лике босиш ва каналимизга обуна бўлишни унутманг. Изоҳларда фикрларингизни кутамиз.

<iframe width="650" height="420" src="https://www.youtube.com/embed/hUObbifBvcQ" title="Rossiyada Musulmonlar idorasining ikki muftiysi qo`lga olindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Конго Демократик Республикасида Эбола билан касалланган беморлар даволанаётган шифохонанинг бир қисми ёқиб юборилди. Ҳодиса беморнинг жасади топширилмагани ортидан келиб чиққан норозилик сабаб юз бергани айтилмоқда. Тартибсизлик вақтида изоляция чодирлари ёниб кетган, бироқ беморлар кейинчалик топилиб, даволанишни давом эттираётгани маълум қилинган.

Россияда мусулмонлар диний идорасининг икки вакили қўлга олинди. Улардан бирига нисбатан жиноят иши очилган, иккинчиси маъмурий тартибда ушланган. Айрим диний идора вакиллари бўйича яна қўлга олиш ҳолатлари борлиги айтилмоқда, бироқ бу маълумотлар расман тасдиқланмаган.

Ғазо бўйича 15 бандлик тинчлик режаси тақдим этилди. Унда ҳудудни вақтинчалик фуқаролик бошқаруви орқали бошқариш, қуролли гуруҳларни четлатиш, босқичма-босқич қуролсизланиш ва халқаро назорат остида хавфсизликни таъминлаш каби бандлар киритилган.

Беларусь президенти Александр Лукашенко Украина етакчиси Владимир Зеленский билан исталган жойда учрашишга тайёрлигини билдирди. У урушга аралашиш нияти йўқлигини ҳам қайд этиб, томонлар муаммоларини музокара орқали муҳокама қилишга чақирди.

Европа Иттифоқида мигрантлар сиёсатини қатъийлаштириш бўйича келишувга эришилди. Янги тартибга кўра, бошпана ҳуқуқи рад этилган мигрантлар учинчи давлатлардаги махсус марказларга юборилиши мумкин.

Украина дронлари Россиянинг НОРСИ нефть заводига зарба берди. Ҳужумдан сўнг завод ишлаб чиқариш қувватининг катта қисмини вақтинча тўхтатган. Корхона Россияда нефтни қайта ишлаш бўйича энг йирикларидан бири ҳисобланади.

Нозимжон Мардонов, ЎзА.