Rafinya Misrga qarshi o‘yin va o‘zining jismoniy holati haqida to‘xtaldi
JCh-2026 musobaqasida Braziliya milliy terma jamoasi "C" guruhida Marokash, Gaiti va Shotlandiya jamoalariga qarshi bahs olib boradi.
Braziliya milliy terma jamoasi vingeri Rafinya Misr terma jamoasi ustidan qozonilgan g‘alabadan (2:1) so‘ng o‘zining sport formasi borasidagi fikrlari bilan o‘rtoqlashdi. Ushbu uchrashuv jamoaning JCh-2026 musobaqasiga ko‘rayotgan tayyorgarlik bosqichlaridan biri bo‘ldi.
"Terma jamoaga doim eng yaxshi holatda yetib kelish va jismoniy hamda taktik jihatdan borimni berish uchun astoydil tayyorgarlik ko‘rishga harakat qilaman. Yaqinda jarohat olganim sababli bir oydan sal ko‘proq vaqt davomida maydonga tusha olmagan edim.
Hozirda jismoniy holatimni to‘liq, ya’ni 100 foizga tiklash ustida ish olib boryapman. Bugun maydonda o‘tkazgan daqiqalarim men uchun juda muhim bo‘ldi deb hisoblayman: ular menga ko‘proq o‘yin amaliyoti taqdim etdi va o‘yin ritmini his qilishimga sezilarli darajada yordam berdi", — deya Rafinyaning so‘zlarini keltirmoqda ESPN Brasil nashri.
JCh-2026 musobaqasida Braziliya milliy terma jamoasi "C" guruhida Marokash, Gaiti va Shotlandiya jamoalariga qarshi bahs olib boradi.
