Қытайдың «JINHAI Technology» компаниясы Өзбекстанда вакцина шығаратын кәсіпорын ашады.
Өзбекстан Ауыл шаруашылығы министрлігінде қытайлық «JINHAI Technology» компаниясының өкілдерімен кездесу өтті.
Министрліктің мәліметінше, кейінгі жылдары Өзбекстанда мал шаруашылығын дамыту басым бағыт ретінде қарастырылып келеді. Дегенмен, мал басын көбейту, оны жұқпалы аурулардан қорғау бағытында әлі де атқарылар істер көп.
Бүгінде Өзбекстанда жиі кездесетін мал ауруы ірі қара басына үлкен зиян келтіретіні, бұл дертке қарсы вакцина шетелден әкелініп, қаржы шығыны артып жатқаны айтылды.
«Бұл мәселенің шешімі ретінде «JINHAI Technology» компаниясының өкілдері Өзбекстанда малды жұқпалы аурулардан қорғайтын вакциналар шығаратын бірлескен бірлескен кәсіпорын құруды ұсынды. Бұл ұсынысты министрлік өкілдері мақұлдап, ынтымақтастық туралы меморандумға қол қоюға келісті», делінген хабарламада.