Қытай Әндіжанда жылына 10 мың жүк көлігін шығаратын жобаны жүзеге асырмақ
Қытайлық компания Әндіжанда жылына 10 мың жүк көлігін шығаратын жобаны жүзеге асырмақ.
Облыс әкімдігінің хабарлауынша, Қытайдың FAW Trucks компаниясы басшылығы Әндіжанға келген.
“FAW Trucks компаниясымен серіктестікте Әндіжанда жалпы құны 100 миллион доллар болатын жоба басталады. Бұл жоба жылына 10 мың жүк тасымалдайтын көлікті шығаруға қауқарлы”, делінген хабарламада.
Қытайлық компания делегациясы Әндіжандағы «Жібек жолы» еркін экономикалық өнеркәсіп аймағында жүргізіліп жатқан құрылыс жұмыстарымен танысқан.
Сонымен қатар, NAWAS брендімен ауа тазарту жабдықтары және кондиционерлер өндіру жобасының қазіргі құрылыс жұмыстары туралы да толық ақпарат берілген.