Ташкент қаласындағы әйгілі «STAR SNOOKER» бильярд клубында өткен беделді «ТМД–2025 кубогы» халықаралық рейтингтік турнирі өз мәресіне жетті. Бұл дүбірлі додада Өзбекстан, Қазақстан, Қырғызстан, Тәжікстан және Түркіменстаннан келген 121 бильярд шебері бақ сынады.
Аса тартысты өткен финалда қазақстандық Әлібек Омаров жоғары кәсіби шеберлік танытып, түркіменстандық Аннамамед Аннамамедовты 5:4 есебімен тізе бүктіріп, турнирдің басты жеңімпазы атанды. Өз кезегінде Аннамамедов қола жүлдеге қол жеткізді.
Ал үшінші орын өзбекстандық Нодирбек Мирзаев пен қырғызстандық Акжолтой Тұрғанбаевқа бұйырды. Айта кетейік, бұл турнирге әлем чемпиондары, халықаралық жарыстардың жеңімпаздары мен жүлдегерлері қатысып, дода деңгейін бұрынғыдан да биіктеткен.
Турнирдің барлық жеңімпаздары мен жүлдегерлері Өзбекстан бильярд федерациясы мен ұйымдастырушылар тарапынан арнайы дипломдармен, медальдармен және бағалы сыйлықтармен марапатталды. Бұл жарыс тек бильярд ойынының ғана емес, аймақ елдері арасындағы достықтың да символына айналды.