Қашқадарёлик оғир атлетикачи ёшларнинг муваффақияти
Пойтахтимизда ўтаётган Президент олимпиадаси мусобақаларининг оғир атлетика баҳслари шиддати, ўзига хос натижалари билан кўпчиликнинг эътиборини тортди.
Беш кун давомида мамлакатимизнинг турли ҳудудларидан келган ёш оғир атлетикачилар 14 ёшгача бўлганлар орасида мамлакатнинг янги рекордларини қайд этиши билан бирга ўнлаб истеъдодларни катта спорт майдонга олиб чиқди.
Ғолиблик йўлида ўз маҳорати ва салоҳиятини намоён этган ёш спортчиларнинг эришган натижалари ҳолатида Қашқадарё вилояти оғир атлетикачилари 6 та олтин, 10 та кумуш ва 6 та бронза медали билан умумжамоада етакчиликни қўлга киритди.
Воҳа терма жамоасига муносиб қаршилик кўрсатган Тошкент вилояти ва Қорақалпоғистон Республикаси жамоалари кейинги поғоналарни банд этди.
Тўлқин Рўзиев, ЎзА
