ФОТОРЕПОРТАЖ

Шуманайлық Алтынай Навбетова бірнеше жылдан бері халық өнерінің көне түрі – кілем тоқуды қолға алып, дамытумен айналысып келеді.

Қой мен түйе жүнінен киіз басу, кілем тоқу, түрлі киім мен кәдесыйлар жасауды жолға қойған. Қолөнершінің қолынан шыққан сапалы әрі талғамды бұйымдар көпшіліктің, әсіресе, шетелдік туристерді қызықтыруда.

«Хунарманд» бірлестігінің мүшесі А. Навбетова Қарақалпақстан Республикасы Шуманай ауданы орталығынан кілем шеберханасын ашып, осындағы қыз-келіншектерді жұмысқа орналастырды. Бүгінге дейін 100-ден астам шәкірт тәрбиелеген шебер, білім және мәдениет орталықтарында ұйымдастырылатын жастар кездесу және шеберлік сабақтарында қарақалпақ халқының ежелгі кілем тоқу өнерімен таныстырып, оларға практикалық сабақ өтеді.

[gallery-15075]

Қолөнер шебері А.Навбетованың жемісті еңбегі үкімет тарапынан лайықты бағаланып, «Ерен еңбегі үшін» ордені, «Шухрат» медалі және «Еңбек ардагері» төсбелгісімен марапатталған.

суреттерді түсірген Мақсат ХАБИБУЛЛАЕВ, ӨзА