Қымбатты балаларым!

Сізді осы күндері Қатарда өтіп жатқан футболдан жасөспірімдер арасындағы Азия кубогына сәтті қатысуыңыз және финалға бір жақты жолдама алуыңызбен, сондай-ақ биыл жазда Парижде өтетін Олимпиада ойындарына жолдама алуыңызбен шын жүректен құттықтаймын. 

Өзбекстанның футбол тарихында тұңғыш қол жеткізген мұндай жарқын жеңісті еліміздің барша спортсүйер қауымы, барша көп ұлтты халқымыз шексіз қуаныш, мақтанышпен қарсы алғаны сөзсіз. Өйткені, бұл еліміздің көп жылғы ұлы арманы еді.

Бұл арманның жүзеге асуы – Жаңа Өзбекстанның перзенттеріне нәсіп еткенімен қаншалықты мақтансаңызда лайық.

Әрине, қол жеткізген бұл тарихи жеңіс астарында соңғы жылдары елімізде спорт саласын, оның ішінде футболды дамытуға зор көңіл бөлініп, атқарылған ауқымды тәжірибелік жұмыстар жатыр десек, шындықты айтқан боламыз.

Сонымен қатар, сіздер сияқты жігерлі жастарымыздың тәжірибелі бапкерлер мен сарапшылардың жетекшілігімен бұл жарысқа тыңғылықты дайындалып, әрбір кездесуде нағыз шеберлік, батылдық пен табандылық танытқаны жоғары бағаға лайық екені сөзсіз.

Азия құрлығының мықты командаларымен өткен 5 кездесуде құрамамыздың қақпасына гол соқтырмай, 14 жауапсыз гол соғуыңыз – футбол тарихындағы бұрын-соңды болмаған нәтиже.

Бұл жетістікке жігерленіп, ақтық сайыста «Азия чемпионы» деген құрметті атақ үшін лайықты күрес жүргізетініңізге сенімдімін.

Осы сәтті пайдалана отырып, баршаңызға, аяулы ата-аналарыңызға, ұстаз-бапкерлеріңізге шын жүректен алғысымды білдіремін.

Барша Өзбекстан халқы сіздерге бақыт пен сәттілік, жарқын жеңістер тілейді, қымбатты балаларым!

 

Шавкат Мирзиёев,

Өзбекстан Республикасының Президенті