Полина Кудерметова асосий тўрга йўл олди
Америка Қўшма Штатларининг Чарлстон шаҳрида WTA 500 таснифига кирувчи аёллар ўртасидаги “Credit One Charleston Open” турнирининг саралаш босқичи баҳслари якунланди.
Қувонарлиси, мазкур босқичда мамлакатимиз шарафини ҳимоя қилган Полина Кудерметова дастлаб мезбонлар вакили Кэролин Ансарини 6:2, 2:6, 7:5 ҳисобида таслим этган бўлса, финалда нидерландиялик Ева Веддерга қарши кортга чиқиб 6:2, 6:3 ҳисобида зафар қучди.
Шу тариқа, асосий тўрнинг биринчи даврасига йўл олган Полина энди украиналик Александра Олийникова билан рақобатлашади. Агар мазкур ўйинда теннисчимиз ғалаба қозона олса, иккинчи даврада канадалик Лейла Фернандес билан тўқнаш келади.
Жавоҳир Тошхўжаев, ЎзА
