Пахтакорлик қизлар “Мактабгача ва мактаб таълими вазири кубоги” учун куч синашди (+видео)
ФОТОРЕПОРТАЖ
Жиззах вилояти Пахтакор туманида ўқувчи-қизлар ўртасида футбол бўйича “Мактабгача ва мактаб таълими вазири кубоги” мусобақасининг туман босқичи бўлиб ўтди.
Мусобақада тумандаги 15 та умумтаълим мактаби жамоалари иштирок этиб, ғолиблик учун ўзаро куч синашди. Беллашувлар мусобақа Низоми талаблари асосида юқори савияда ташкил этилди.
[gallery-27520]
— Ўқувчи-қизлар ўртасида футбол спортини оммалаштириш, уларни жисмонан чиниқтириш, жамоавийлик ва рақобат руҳини шакллантириш мусобақанинг асосий мақсади, - дейди Пахтакор тумани Мактабгача ва мактаб таълими бўлимининг бош мутахассиси Гавҳар Хўжамқулова. — Ғолиб жамоа вилоят ва республика босқичларида ҳам муносиб иштирок этишига ишонамиз. Мусобақа давомида жамоаларнинг фаоллиги, жипслиги ва ғалабага бўлган интилиши яққол намоён бўлди. Қизғин ва муросасиз кечган беллашувлар томошабинларда катта қизиқиш уйғотди.
Мусобақа якунларига кўра, 8-умумтаълим мактаби жамоаси 1-ўринни эгаллаб, туман босқичи ғолиби деб топилди ва вилоят босқичида туман шарафини ҳимоя қилиш ҳуқуқини қўлга киритди. 2-ўрин 4-мактаб жамоасига, 3-ўрин эса 7-мактаб қизлар жамоасига насиб этди.
Ғолиб ва совриндор жамоалар ташкилотчилар томонидан диплом ҳамда эсдалик совғалари билан тақдирланди.
<iframe width="640" height="420" src="https://www.youtube.com/embed/ErlWS-BCqHo" title="Paxtakorlik o`quvchi-qizlar o`rtasida futbol bo`yicha musobaqa bo`lib o`tdi." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жамшид ЁРБЕКОВ (сурат, видео), ЎзА
