Пакістанда бортында 100-ден астам жолаушысы бар ұшақ апатқа ұшырады
Ұшақ елдің солтүстік-шығысындағы Лахордан Карачи бағытына қарай ұшып шыққан
«Pakistan International Airlines» компаниясына тиесілі «Airbus 320» жолаушылар ұшағы 22 мамыр жұма күні Карачи әуежайы маңында апатқа ұшырады.
Жергілікті Geo TV арнасының хабарлауынша бортында 100-ден астам жолаушы мен экипаж мүшесі болған ұшақ елдің солтүстік-шығысындағы қала Лахордан Карачи бағытына қарай ұшып шығып Карачи қаласындағы халықаралық «Джинна» әуежайына жетпей, сол маңдағы елді-мекендегі үйлер үстіне құлаған. Қазіргі уақытта ұшақтың құлауына байланысты нақты мәліметтер белгісіз.