Өзбекстан Президенті мен Грузия Премьер-министрі телефон арқылы сөйлесті
Өзбекстан Республикасының Президенті Шавкат Мирзиёев Грузия Премьер-министрі Ираклий Кобахидземен телефон арқылы сөйлесті.
Мемлекет басшысы Ираклий Кобахидзені туған күнімен құттықтап, оған зор денсаулық, ал Грузия халқына амандық пен тұрақты өркендеу тіледі.
Өзбекстан Республикасы Президентінің биылғы 2-3 шілдеде Грузияға жасаған мемлекеттік сапары бойынша қол жеткізілген уағдаластықтарды жүзеге асыру аясында Өзбекстан мен Грузия арасындағы стратегиялық серіктестікті одан әрі кеңейту мәселелері талқыланды.
Өзара сауда көлемін арттыруға, өнеркәсіптік кооперацияны кеңейтуге, сондай-ақ Грузияның Поти және Анаклия порттарының инфрақұрылымын тиімді пайдалану арқылы көлік байланысын нығайтуға ерекше назар аударылды.
