Ўзбекистондан Сурияга 2 миллион долларлик маиший техника экспорт қилинади

“Premier Electronics” Суриянинг “Kalash Trading Company” корхонаси билан 2 миллион долларлик экспорт шартномасини имзолаб, ушбу давлатга маиший техника маҳсулотлари етказиб беради.

Ўзбекистон Савдо-саноат палатаси кўмагида Суриянинг йирик дистрибьютори ҳисобланган “Kalash Trading Company LTD” делегацияси билан муваффақиятли музокара ўтказди. Ташриф доирасида араб ишбилармонлари корхонанинг замонавий фабрикаларида бўлиб, музлатгич, кир ювиш машинаси, телевизор ва совутгич ишлаб чиқариш жараёнини кўздан кечирди. Учрашув якунида йирик экспорт шартномаси имзоланди. Мазкур келишувга мувофиқ, маҳаллий маиший техника маҳсулотлари тез орада Сурия бозорига етиб боради. Мазкур ташаббус туфайли юртимиз маҳсулотлари Яқин Шарқ минтақасига кенг кўламда кириб боради, “Made in Uzbekistan” брендининг халқаро майдондаги нуфузи янги босқичга кўтарилади.

Ф.Яхшибоева, ЎзА