Ўзбекистон глобал иқтисодиётга чиқишга тайёрми?(+видео)
Мамлакатимиз дунё бозорига шиддат билан кириб боришга уринмоқда, аммо бу жараён қанчалик натижали бўляпти? Бир томондан, Жаҳон савдо ташкилотига (ЖСТ) кириш ҳаракатлари жадаллашиб, Европа ва Буюк Британия бозорларига божхона имтиёзлари орқали йўл очилмоқда. "Хитой–Қирғизистон–Ўзбекистон" темир йўли каби лойиҳалар эса транспорт харажатларини арзонлаштириши кутилмоқда. Бошқа томондан, асосий савол очиқ қолмоқда: маҳаллий маҳсулотларимиз халқаро рақобатга чидай оладими?
Хорижий инвестицияларни жалб қилиш учун корхоналарга халқаро ҳисоб-китоб ҳамда корпоратив бошқарув тизимлари жорий этилиб, кредит рейтинглари яхшиланмоқда.
Бироқ шунчаки хомашё экспортидан воз кечиб, юқори қўшилган қийматга эга тайёр маҳсулотлар ва миллий брендларни дунёга танитиш амалда қанчалик тез рўй берадиган жараён?
АТ, туризм ва хизматлар экспорти ўсаётган бўлсада, глобал инқирозлар, валюта курсининг тебраниши ва Европанинг янги экологик (CBAM) талаблари фонида миллий иқтисодиётимизнинг барқарорлиги жиддий синов олдида турибди.
Мазкур саволларга жавоб топиш учун Ўзбекистон Иқтисодиёт Ассамблеяси директори Гулрух Ражабова билан "Иқтисод +" дастурида суҳбатлашдик.
<iframe width="560" height="315" src="https://www.youtube.com/embed/Sumkph10TOo?si=XUFs3Yspndk9ZuAH" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Зиёвуддин Нуриддинов, Дониёр Якубов, ЎзА
