Ўзбекистон банк секторининг 2017–2025 йиллардаги ривожланиши инфографикада (+видео)

Иқтисодий тадқиқотлар ва ислоҳотлар маркази маълумотларига кўра, 2017-2025 йилларда банк тизими активлари 5,5 бараварга, мажбуриятлари 5,4 бараварга ўсди. Банк тизими активлари 2025 йил якунларига кўра 925 трлн сўмни, 2017 йил – 167 трлн сўмни ташкил этди ва ялпи ички маҳсулотга нисбати 50%гача ўсди.

Банк тизими мажбуриятлари 2017 йилдаги 145,9 трлн сўмдан 2025 йилда 789,4 трлн сўмга етди. Банк тизими жами капитали ўтган 9 йил давомида 6,5 баравар ўсиб, 2025 йил якунларига кўра 135,3 трлн.сўмни ташкил этди.

Банк тизимида жами депозит қўйилмалари қолдиғи 2017 йил якунида 59,6 трлн сўмни ташкил этган бўлса, 2025 йил якунига келиб 417,2 трлн сўмга етди ёки 7 баравар ўсди.

Жами депозит қўйилмаларининг қарийб ярми хусусий банкларга тегишли. Банк тизими томонидан иқтисодиётга тақдим этилган жами кредитлар қолдиғи ҳисобот даврида 5,5 баравар ўсиб, 2025 йилда 604 трлн сўмга етди.

Мамлакатимизда молиявий хизматларнинг йиллик ҳажми 2017 йилда 15,2 трлн сўмдан 2025 йил якунида 171,9 трлн сўмгача, 11,3 баравар ўсишни қайд этди.

<iframe width="1335" height="751" src="https://www.youtube.com/embed/P3l3pvaVVvo" title="O‘zbekiston bank sektorining 2017–2025 yillardagi rivojlanishi infografikada" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Искандар Исматов, ЎзА