Орзудан амалий натижа сари интилаётган ёшлар (+видео)

Қашқадарё вилоятининг Китоб тумани Мустақиллик маҳалласида яшовчи Шаҳзод Умиров ўзининг билим ва тажрибасини ёшларга улашиб келаётган ташаббускор ёшлар қаторидан жой олган.

У аввал турли ўқув марказларида фаолият юритиб, тажриба орттирган бўлса-да, қалбида ўз ўқув марказини ташкил этиш орзуси бор эди. Айнан шу мақсад сари интилиб, Ёшлар ишлари агентлигининг “Кўмак” лойиҳаси ҳақида хабар топди ва маҳалла ёшлар етакчисининг тавсияси асосида ссуда олиб, ўз фаолиятини йўлга қўйди.

Бугунги кунда у ташкил этган ўқув марказида 4 та гуруҳ фаолият юритмоқда ва Шаҳзоднинг ўзи бевосита дарс бериб, ёшларни хорижий тилларга ўргатмоқда. Энг эътиборлиси, ушбу ташаббус туфайли маҳалладаги ёшлар учун сифатли таълим олиш имконияти янада яқинлашди.

Қаҳрамонимиз билан суҳбатнинг тўлиқ шаклини қуйидаги ҳавола орқали кўришингиз мумкин.

<iframe width="560" height="315" src="https://www.youtube.com/embed/EI1QXDjj8Fw?si=RwWYIW9ixz4YQlRa" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева,

Анвархўжа Аҳмедов (монтаж),

ЎзА