Нодавлат касбий таълим ташкилотлари раҳбарлари билан очиқ мулоқот ўтказилди (+видео)

Бугунги кунда таълим тизимига алоҳида эътибор қаратилмоқда. Айниқса, иқтисодиётнинг реал секторини малакали кадрлар билан таъминлаш, меҳнат бозори талабларига мос мутахассисларни тайёрлаш давлат сиёсатининг устувор йўналишларидан бири сифатида белгиланган. Касбий таълим тизимида ҳам кенг кўламли ислоҳотлар амалга оширилмоқда.

Техникумлар фаолияти тубдан такомиллаштирилмоқда, дуал таълим кенг жорий этилмоқда, иш берувчилар билан ҳамкорлик янги босқичга олиб чиқилмоқда, битирувчилар бандлигини таъминлаш тизими тубдан қайта кўриб чиқилмоқда. Бу жараёнда нодавлат касбий таълим ташкилотларининг ўрни алоҳида аҳамият касб этади. 

Белгиланган тартиб ва низомларни амалда қўлланиш жараёнларини назоратга олиш мақсадида Ўзбекистон Олий таълим, фан ва инновациялар вазирлиги ҳузуридаги Касбий таълим агентлиги томонидан нодавлат касбий таълим ташкилотлари раҳбарлари билан очиқ мулоқот ўтказилди. 

Ушбу тадбирни ўтказишдан асосий мақсад нодавлат касбий таълим тизимининг бугунги ҳолатини биргаликда таҳлил қилиш, мавжуд муаммоларни очиқ муҳокама қилиш ҳамда келгусидаги устувор вазифаларни белгилаб олишдан иборат. Очиқ мулоқот якуни бўйича билдирилган таклифлар, уларни амалга ошириш механизми Агентлик томонидан алоҳида кўриб чиқилиши белгилаб олинди.

Батафсил:

<iframe width="640" height="420" src="https://www.youtube.com/embed/Ky3kG-N1Gu8" title="Nodavlat kasbiy ta’lim tashkilotlari rahbarlari bilan ochiq muloqot o`tkazildi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Салимжон Обиджонов, ЎзА