Наманганлик ҳамширалар Германия шифохоналарида ишлаши мумкин
ФОТОРЕПОРТАЖ
Шундай таклиф билан Швейцария Конфедерациясининг “Globogate Concept AG” ташкилоти раҳбари Жоҳаннес Мейер бошчилигидаги делегация вакиллари Наманганга келди.
Вилоят ҳокими Шавкат Абдураззоқов меҳмонларни қабул қилди.
Учрашувда ҳамкорлик доирасида наманганлик ўрта бўғин тиббиёт ходимларини немис тилига ўқитиш ва дастурни муваффақиятли якунлаган иштирокчиларни Германия шифохоналарида бандлигини таъминлаш лойиҳаси муҳокама қилинди.
Ҳар икки томон лойиҳа бўйича амалга оширилиши лозим бўлган келгусидаги ҳамкорлик юзасидан келишиб олди.
[gallery-18328]
Мулоқот якунида Наманган вилояти ҳокимлиги билан Швейцария Конфедерациясининг “Globogate Concept AG” ташкилоти раҳбарияти ўртасида англашув меморандуми имзоланди.
Ҳотам МАМАДАЛИЕВ (сурат), ЎзА
