Наманганда “Ватанпарварлар” ҳарбий-спорт мусобақасининг вилоят босқичи ўтказилди

ФОТОРЕПОРТАЖ

Наманган вилояти Ёшлар ишлари бошқармаси, вилоят Мудофаа ишлари бошқармаси, Ўзбекистон ёшлар иттифоқи Наманган вилояти кенгаши ҳамда қатор ташкилотлар ҳамкорлигида Шарқий ҳарбий округ қўшинларининг Наманган гарнизонида жойлашган ҳарбий қисмда “Ватанпарварлар” ҳарбий-спорт мусобақасининг вилоят босқичи ўтказилди.

Мусобақада вилоятдаги умумтаълим мактабларининг 10–11-синф ўқувчиларидан ташкил топган “Ватан таянчи” отрядлари иштирок этди. Тадбирда Шарқий ҳарбий округ қўшинлари қўмондонлиги вакиллари, ўқувчи-ёшлар, “Ватанпарвар” ташкилоти ҳамда кенг жамоатчилик вакиллари қатнашди.

Беллашувлар давомида иштирокчилар ҳарбий эстафета, биринчи тиббий ёрдам кўрсатиш, мерганлик маҳорати, саф қўшиқлари ҳамда “Темур тузуклари билимдони” йўналишлари бўйича ўз билим ва кўникмаларини намоён этди.

Якуний натижаларга кўра, биринчи ўрин Чуст тумани жамоасига, иккинчи ўрин Янги Наманган тумани жамоасига, учинчи ўрин эса Тўрақўрғон тумани жамоасига насиб этди.

[gallery-28830]

Ғолиб ва совриндорлар муносиб тақдирланиб, уларнинг интилиши ва фаол иштироки эътироф этилди.

Ҳотам МАМАДАЛИЕВ (сурат), ЎзА