Мемлекет басшысы «Wabtec» компаниясының басшысын қабылдады
Өзбекстан Республикасының Президенті Шавкат Мирзиёев «Wabtec» компаниясының директорлар кеңесінің төрағасы әрі бас атқарушы директоры Рафаэль Сантананы қабылдады.
Кездесуде елімізде теміржол инфрақұрылымы мен транзиттік әлеуеттің дамуын ескере отырып, локомотивтер паркін жаңарту және кеңейту мәселелері қаралды.
АҚШ қаржы институттарының қатысуымен локомотивтерді ұзақ мерзімді сервистік қызмет көрсетумен бірге жеткізу мәселелері талқыланды. Сондай-ақ Өзбекстанда техникалық қызмет көрсетуді жолға қою, қосалқы бөлшектер өндіру және мамандар даярлау мәселелері қарастырылды.
Тау-кен кәсіпорындарының карьерлік техникасына қызмет көрсететін орталық құру және дизель-генератор қондырғылары бойынша ынтымақтастық орнату мәселелеріне де назар аударылды.
«Wabtec» – локомотивтер, теміржол техникасы, цифрлық және сервистік шешімдер өндіретін әлемдегі жетекші компаниялардың бірі. Компания Орталық Азия елдерінде де жобаларды жүзеге асырып келеді.
