МАГАТЭ Сурияда 73 тонна уран топди ва ядровий реактор борлигини тасдиқлади
МАГАТЭ 2007 йил Исроил ҳужуми натижасида вайрон бўлган Суриядаги Ал-Кибор иншооти ҳақиқатан ядровий реактор эканини тасдиқлади. Ташкилот йўриқчилари ушбу ҳудудда реактор иншоотига хос совутиш тизими жойлашганини аниқлаган.
МАГАТЭ бош директори Рафаэль Гросси илгари номаълум бўлган жойга шахсан борган. Мажмуада тахминан 73 тонна табиий уран метали, жумладан 55 тонна қадоқланган ёнилғи таёқчаси бор экан. Агентлик мазкур ядровий материаллар ташкилот назорати остидалигини таъкидлади.
Шунингдек, янги Сурия расмийлари билан ҳамкорлик ўрнатилгани, тузилма мутахассисларига ишлаш учун рухсат берилгани таъкидланган. Терговдан сўнг ушбу араб мамлакатининг ядровий фаолияти билан боғлиқ ҳал қилинмаган масалалар ёпилганини эълон қилинди.
С.Раҳимов, ЎзА
