Мадияр Саидрахимов кәсіпқой бокста екінші жеңісіне қол жеткізді
Түркияның Ыстамбұл қаласында өткен кәсіпқой бокс бойынша “IBA.Pro 7” турнирінде жерлесіміз Мадияр Саидрахимов жеңіске жетті.
Әлем чемпионатының жүлдегері, бірнеше халықаралық жарыстардың жеңімпазы болған Мадияр бұл жарыста Әзербайжан өкілі Ахмад Мустафаевпен 6 раундтық жекпе-жек өткізді.
Тартысты өткен жекпе-жекте 27 жастағы Саидрахимов қарсыласын ұпай айырмашылығымен ұтты.
Айта кету керек, бұл жеңіс М.Саидрахимов үшін кәсіпқой бокстағы екінші табысты жекпе-жек болды. Ол 2017 жылы Малайзияның Куала-Лумпур қаласындағы алғашқы кездесуінде де жеңіске жеткен еді. Сонымен қатар, жерлесіміз Куба, Ресей секілді елдерде IBA жүйесіндегі жартылай кәсіпқой бокс жекпе-жектерінде де лайықты нәтижелер көрсетіп келеді. Ал әзербайжандық Ахмад Мустафаев үшін бұл кездесу кәсіпқой бокстағы дебюті болатын.