Коммунистік басқару жүйесі орнаған Куба мемлекетінде ұлттық электр желісі бір жылдың ішінде төртінші мәрте істен шықты.

Бұл туралы SEN елдің мемлекеттік энергетикалық компаниясы хабарлады.

— «SEN» ұлттық электр желісінде толық үзіліс тіркелді. Бұл жағдайдың «CTE Guiteras» жылу электр стансасының күтпеген жерден тоқтап қалуымен байланысты болуы мүмкін, - делінген Электр энергетикасы қызметкерлерінің ұлттық одағы таратқан ресми мәлімдемеде.

Компанияның жауапты өкілі оқиғаның нақты себебі анықталып жатқанын, ал қалыпқа келтіру жұмыстары басталып кеткенін айтты.