Колумбия Иранмен дипломатиялық қатынасын үзді
Колумбия билігі Иранмен дипломатиялық қатынасын тоқтатты. Бұл туралы елдің Сыртқы істер министрлігі хабарлады.
Министрлік Иран үкіметін «халықаралық террористік және наркологиялық терроризммен айналысатын топтармен байланысы бар» деп айыптаған.
Колумбияның Сыртқы істер министрлігінің мәліметінше, дипломатиялық қатынасты үзу туралы шешім 19 қыркүйектен бастап күшіне енген.
Колумбия тарапы сонымен қатар Иран үкіметі тарапынан адам құқықтарының бұзылуын, Таяу Шығыстағы қақтығысқа қатысы жоқ елдерге жасалған шабуылдарды, Ормуз бұғазының қоршауға алынуын және Иран билігінің Атом энергиясы жөніндегі халықаралық агенттіктің елдің ядролық бағдарламасының ауқымын тексеру жөніндегі жұмысына кедергі келтіруін ескергенін мәлімдеді.
Колумбия билігі бұл жағдайлар Иран үкіметіне деген сенімнің төмендеуіне әкелгенін атап өтті. Сонымен бірге дипломатиялық қатынастардың үзілуі консулдық байланыстардың тоқтатылуын білдірмейтіні айтылды. Екі ел консулдық қатынастарын сақтап қалады.
