Бугун, 19 декабрь куни Чирчиқда кикбоксинг бўйича Ўзбекистон кубоги баҳсларининг тантанали очилиш маросими бўлиб ўтди.

Мамлакатимизнинг барча ҳудудларидан 1 минг 300 нафардан зиёд спортчилар иштирок этаётган мамлакат кубоги баҳсларининг очилиш маросимида иштирок этган спорт вазири А.Икромов, Ўзбекистон кикбоксинг ассоциацияси президенти А.Хўжаев ва бошқалар юртимизда кикбоксинг спорт тури оммалашиб бораётгани, ёшлар орасида маҳоратли спортчилар етишиб чиқаётганини эътироф этди.  

Шунингдек, юртимиз кикбоксчилари бир қатор халқаро мусобақаларда кучлилар қаторидан ўрин олгани, ноябрь ойида Бирлашган Араб Амирликларининг Абу-Даби шаҳри мезбонлигида ўтган жаҳон чемпионатида Ўзбекистон терма жамоаси 28 йиллик танаффусдан сўнг 85 давлат орасида биринчи ўринни эгаллагани алоҳида таъкидлаб ўтилди.

Ушбу жаҳон чемпионатида олтин медални қўлга киритган Ҳасан Баратов, дунё биринчилиги кумуш медали соҳибига айланган Жавлон Йўлдошев, Айдўс Аҳмедов, Нодир Хайриддинов, шунингдек бронза медали эгалари Арсений Раҳмонов, Саидолим Ҳасанов, Фахриддин Эминов ва Аброр Мусаев ташкилотчилар томонидан муносиб тақдирланди.

Жангларни 42 нафар халқаро ва миллий тоифадаги ҳакамлар бошқариб бормоқда.  

<iframe width="650" height="420" src="https://www.youtube.com/embed/ySMM-rJD8PA" title="Kikboksing: Chirchiqda mamlakat kubogi bahslari o‘tkazilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Тўлқин Рўзиев, ЎзА