Камилла Раҳимованинг “Miami Open” даги саргузаштлари давом этади
Майами шаҳри мезбонлигида теннис бўйича аёллар ўртасида давом этаётган мукофот жамғармаси 9 млн 415 минг 725 АҚШ долларни ташкил этувчи турнирнинг яккалик баҳсларида ҳамюртимиз Камилла Раҳимова иккинчи даврада кортга чиқди.
Ушбу босқичда Камилла Раҳимова дунё рейтингида 28-поғонани эгаллаб турган украиналик Марта Костюк билан рақобатлашди ва 2:6, 4:6 ҳисобида имкониятни бой бериб қўйди. Шу тариқа Камилла яккаликлар ўртасидаги иштирокини якунлади. У мазкур турнирда 24 минг 335 АҚШ доллари ва WTA рейтингининг 10 очкосини ишлаб олди.
Энди мамлакатимизнинг биринчи рақамли теннисчи бўлган К.Раҳимова “Miami Open” мусобақасининг жуфтлик ўртасида иштирок этади. Теннисчимиз ушбу йўналишда россиялик Александра Панова билан ҳамкорликда ўз омадини синовдан ўтказади. Улар илк баҳсда чехиялик Катерина Синякова ва америкалик Тэйлор Таунсендга қарши кортга чиқади.
Жавоҳир Тошхўжаев, ЎзА
