Өзбекстан Республикасы Президенті «Жастарға арналған мың кітап» жобасын жүзеге асыру шаралары туралы шешім қабылдады.

Оған сәйкес әлемге әйгілі 1000 кітап іріктеліп, өзбек тіліне аударылады.

Жоба аясында:

• мемлекеттік тапсырысқа сәйкес авторлардан кітаптарды пайдалану құқығын сатып алу, оларды өзбек тіліне аудару, баспаға дайындау және басып шығару мемлекеттік бюджет қаражаты есебінен жүзеге асырылады (мемлекеттік жоғары оқу орындары үшін шығарылатын кітаптардан басқа);
• мемлекеттік жоғары оқу орындарына арналған кітаптардың тізбесін Жоғары білім, ғылым және инновациялар министрлігі қалыптастырады және жоғары оқу орындарының бюджеттен тыс қаражаты есебінен шығарылады.

Кітаптар тізімін ғылым, мәдениет, өнер, әдебиет және басқа да салаларда тәжірибесі мен білімі жетілген ғалымдар, сондай-ақ Республикалық рухани-ағарту орталығының, Дін істері комитетінің мамандарынан құралған Сарапшылар кеңесі жасайды.

Кітаптарды өзбек тіліне аудару және басып шығару келесі кезеңдерде жүзеге асырылады:

• бірінші кезеңде – кітаптардың алдын ала тізімін жыл сайын Сарапшылар кеңесі қалыптастырады;
• екінші кезеңде – халық дауыс беру арқылы таңдауы үшін алдын ала тізім Жастар істері агенттігінің ақпараттық жүйелеріне орналастырылады және осы арқылы қорытынды тізім қалыптастырылады және сарапшылар кеңесінде қаралып, бекітіледі.

Жыл сайын шығатын кітаптар тізімінде кемінде 20 пайызы ғылыми-әмбебап туындылар енеді.

Сарапшылар кеңесінің ұсынысы бойынша мемлекеттік тапсырыс негізінде шығарылатын кітаптарды Жастар ісі агенттігі ақпараттық-кітапхана мекемелеріне, оның ішінде мемлекеттік билік және басқару органдарының кітапханаларына тегін береді.

Баспа кітаптарының электронды көшірмелері оқырмандардың кеңінен пайдалануы үшін авторлық құқық иесімен келісім бойынша Өзбекстан Ұлттық кітапханасы және Ғылым академиясының кітапханаларына беріледі.

2023-2024 жылдары алғашқы 50 кітап аударылып, дайындалып, басып шығарылады.